完來這裡還存在....

我差點連自己都忘掉了....

無聊測試 Step 1

上一個星期到今日的流量:




加上下面一堆近期keywords, 一個星期後回來再看 XD

豬流感 H1N1 停課 東亞運動會 現代傳播 酒牌 禁煙 中央 活化 楊千嬅 丁子高 劉德華 朱麗倩 黎明 樂基兒 郭富城 熊黛林 創業 致富 投資 吸毒 驗毒

香港又少了一個講波佬....

今日做到半死,一上網睇到這一個新聞....

我諗我這一代的香港人,即使非球迷亦沒幾個不識林尚義...

資深足球評述員林尚義逝世 2009-04-23 17:37:00
資深足球評述員林尚義今早因病急送津敦治醫院，其後不治，終年74歲。

林尚義的舊同事及朋友證實，已收到林過身的消息，正了解如何協助他的家人，辦理喪事。

林尚義早年是本港甲組足球員，曾參加奧運，82年取得國際足協世界教練文憑。掛靴後，林尚義先後在香港電台、商業電台、亞洲電視及無綫電視擔任足球評述員超過30年。

他除了活躍足球圈外，亦在拍電影，其中在電影《古惑仔》中飾演風趣牧師，深入民心。

林尚義的妻子劉蕙芳2005年初因為肝硬化身故，終年40多歲，林大受打擊，他在2006年7月10日主持完世界盃決賽評述後正式宣佈退出電視及電影圈。

(即時新聞)

來源Sina News(明報)

圖片來源
林尚義

11th April, 2009

值得加分:

話說在下之前用左個唔係咁正路的方法令人地換返隻新monitor過我...事隔個多月, 果間公司竟然有人打黎問返我隻monitor用成點同埋對佢地的服務滿唔滿意....估唔到係香港地,佢地(Philips)都會關心下我依個麻煩客,雖然好似係一件小事,不過得確比返個好印象我,起碼我會覺得佢地係好用心去做好佢地的服務同會為自己的產品負責。當然作為一個消費者,唔會擔保日後一定會繼續用佢地的產品(我搵返原來我都買左唔少Philips的野...), 不過起碼我唔會blacklist佢,如果QC都做好埋,咁會更好:)

-----------------------------

RoR:

聞說這個東西可以讓開發時間縮短很多,正左拿一個拖了很久都沒開始的project來實習一下，又因為暫時不想花時間在server config方面,所以找到了InstantRails 頂住檔先(用InstantRails機本上沒有config, apache,mysql都係一解壓說用得)。希望不久的將來有小小心得可以分享一下,不過香港好像用的人不多...

-----------------------------

投資:

最近個市咁升,所以我輸左唔小,因為我買左好多熊證...Orz

無話可說....以後都係買返正股....起碼可以等耐d...又得搏佢升返。

埋單計數,由大約30000點到今日為止,因止蝕做成的損失竟然有份本金的60%.....不過,又好彩,到今日為止,計埋比人打左把的熊證,大概到係輸緊7%到, 只不過係由贏->輸->平手->贏->輸的其中一個過程....

不過又受惠阿爺頂住個市....環保相關同科技相關的股票升左唔小...好彩 XD

見到手持電訊盈科的投資者,更覺得止蝕係一個痛苦但必須的過程...長痛不如短痛...用返剩返的錢買其他野好過啦其實.....雖然我唔敢話佢唔會上返$70~80.....不過自己手攞住既人又信唔信先...

現在80%現金....15,16唔知點好....等佢跌,停買佢升多d呢..?

個海嘯第2波去左邊?

-----------------------------

To you:

由唔熟識,到熟悉,再到好似親人,最後由變返好似唔識...um....

你食左飯未呀?

又講近況

之前手上的projects都差唔多交晒貨,不過有一個handover時出左d問題...都怪自己唔夠細心,好彩都好快攪得掂...有驚無險(暫時)

份新工呢....估唔到咁既時勢下都仲有得加人工喎XD,雖然真係唔多,不過好過無啦,至於bouns....umum未有得出...(有我應該唔多)

新公司,我接手的projects都係都係頗亂的...document唔齊,個客個邊又換左個接頭人umum....攪到我成日要問長問短添...

其實我想轉team/轉過個leader...唔係咁鍾意臨收工先有野做...

老闆又唔錯,都算係平易近人,算幾有型XD, 都算有d理想同遠見唔係淨係為錢(好似)...暫時係我見過最好的老闆,睇多一排先(可惜我係男人lol)

股票方面,又跌返落個深淵....賬面上輸緊2x%...止蝕好唔好?好大壓力添

隻腳呢,本來好返少少...自己衰走去跑下...又傷過,唉...又要日日煲藥...錢同時間都唔夠駛Orz

仲有好多野想做...但係無咩時間做添

買多左個Monitor想方便d做野,點知搵到返屋企發現有一點死點係左上少少,頂, 攞返係鋪頭佢死都唔肯換過我,話要有3點先有得換,我明白...過左海就係神仙呀嘛...都唔怪得人,怪自己無check清楚囉...

不過咁,既然係3點先有得換,咁我唯有唔換啦,跟手攞上去維修叫佢地整..開頭佢地又係死都話無得換,咁我話我有3年保養,首年包料同人工喎,我依家唔換,你同我整啦

結果佢地死死地氣咁收左隻mon,而無耐我就攞得返隻無死點既新mon,佢地話整唔掂所以比隻新既我.

我唔知咁做係唔係叫野蠻,不過work喎.....過左海就係神仙呀嘛:p

沒寄出的慰問信

親愛的x老闆,

闊別多年,好高興再次聽到閣下的消息。不知道在下的離開有沒有為公司帶來不便,又或者令閣下每晚輾轉反側,難以入眠。
但無論如何，在下都深深感謝你對我的指導與教誨,你那充滿皇者之風的一言一語及對下屬家人關懷的無微不至，令在下大開眼界，深受感動。更應感謝的是你令到在下由一個乳臭未乾的的阿蒙，變成一個看懂世途險惡的迷途羔羊。是你身體力行把在下從那些不合時宜的八股道德禮教上拯救出來,回到現實。

遺憾,相逢恨晚且時光短暫,不能從閣下身上學多一招半式混世大法。憑當年和閣下得到的經歷,雖不夠令在下飛黃騰達,但都足以在凹凸不平的荊棘路途上如履平地。如斯大恩大德差點在在下的選擇性記憶裡中刪掉,可幸今天收到閣下眾叛親離,公司被人卷款而逃的消息,再令敝人憶想起昔日的共處時光...

震驚的是如斯般的大號人物也有人敢在頭上動土,莫非真的是世態炎涼,蒼天已死?
又奇怪相關人物與閣下關係甚密,想必定經常得到閣下的關顧與寵信,本應蛇鼠一窩,實在難以想像這斯會有這樣的舉動,閣下也是,對吧?會否是身邊的鷹犬爭權嫁禍之故?還是宫徍麗與閹人爭寵?這些在下亦不敢替閣下多作猜測了。

對閣下的凄涼遭遇不竟愛莫能助,謹此冀盼望閣下有偉大的胸懷,能靜心地以諸般智慧查過水落石出,還自己一個交代。不過,即使人力起不了作用,亦不要心灰,因為天網恢恢,善惡到頭終有報,閣下的遭遇就不是活生生的一個好例子嗎?
還有,記得出糧給伙記哦。

順祝
商祺,心安

雖然一切應如煙過去,但我還是覺得報應太遲,罸得太少...
也許是我黑心XD

近況

原來對上一次在這個blog上寫野的是08年5月30日(而且只是放了一個廣告片...)
看來我真係太懶...umum...

不過從Google Analytics度得知，原來間中都會有人入到這個blog既。大多數人都係經過富爸爸.com入黎(唔知係唔係富爸爸自己入黎呢...)，又有零零星星的人係因為"八達通","六合彩","紫秤"等等的keywords從search engine 撞到入黎。咁睇黎，同多些人流多的blog交換連結/blog內容牽涉到一些多數人會關心的事，係會對人流有正面影響架(廢話?)。身邊有唔少朋友問我點先可以提高個blog的人流，唔知以上既故事幫唔幫到佢地呢?

自己隻腳醫左大大話話都有六6~7個月，中西醫都睇過,花左唔少錢同時間煲藥,覆診,物理治療....,不過都仲未好得返...唉，好在未要切....
病向錢中醫...

好彩之前輸左的股票現在都大致上平手了,攞返個本,仲有少少蟹貨....算放住佢地係度先....
不過放左果d係放左之後又升左唔少,有少少揼心添,真係要調整下自己個心態先得XD...
依家等入市....不過hsi係咁升....但係成交好似少左好多喎...想點架....?
自己繼續留意d環保相關同科技相關的股票....不過咁既時勢,會唔會無咩人對佢地有興趣呢(大家都手緊喎)?
又有一個問題,我地祖國周不時發現到依樣有毒、果樣又假,bhabhabha...,d保險公司會唔會唔保險架又...?

又轉左份新工都好一段時間了人工加得唔錯,工作上的野大致上都ok, 不過有時會悶d無咩野做(可能我做得太快XD)...但係公司仲請緊人喎，聽講仲想擴張下，個前景講到好似好好咁,個市好似唔係咁差喎又(我成日請假去覆診都仲唔炒我,有d感動添)...不過身邊又有唔少人失業喎...
最近又要學普通話，自問語言依樣野一向都係好水...普通話呢,前前後後,斷斷續績學左都有10年都有,而且都係學唔識(未試過pass....),今次係公司話要學的...不過睇黎都係兇多吉少囉...有冇高人可以指點下我呀...

黎緊手上有幾個project要交貨了,基本上都完成,不過testing要等埋各路英雄先做得,希望唔會有咁耐風流有咁耐節墮啦:p

新一年，希望真係Happy new year啦

廣告欣賞(1)

(Embed 方法來源 Blogger-Toolkit)

無常

今天從新聞得知伍晃榮生先因血癌去世....
人，還是有很多東西是不由自主，要走的，可以走得很突然.....
不管你是何許人、不管你的職業、不管你是否願意、不管你沒有心事未了.....

這一刻我還活著，在這裡留下這篇廢話，但誰知道這會不會是最後一篇?
沒有有人會知道自己的限期...沒有人會知自己剩下多少quota.....
活著，還是盡快做一些自己想做的事吧!不要給自己後悔的機會，也不留下任何遺憾，因為人生沒有restart/reset制的，錯過了就是錯過了。

我可以後悔的實在夠多了....

當受靶受氣也是工作的一部份

明知產品有問題仍要去如期交貨......
明知客人會不滿意仍要硬著頭皮，頂硬上.....
面對無理取鬧，仍要強忍，不可以對別人(包括家人)作出深切的慰問....

最大的問號，其實我只是負責交收和砌機，你們吠我會有得著嗎?
其實我不太知道全個project的細節，其實我也沒有相關的牌照....
只因我是一個身份低微最好拿去當炮灰的下人?
為什麼相關人仕的電話在關鍵時刻總是難以接通?
難度客人不會奇怪大場面沒有大人物......只有爾等小混混?

到底，下圖哪一張會比較適合我?





還是....


我想做我當初應徵的工作。不是「只想做」，但有人會願意order的切雞飯上，薑蔥比雞和飯還要多嗎?
而且只有雞腳、雞頭、雞頸和雞patpat哦....